~*§¦§ ديوان الامير طلال الرشيد رحمه الله §¦§*~°

[asail]

http://www.l22l.com/l22l-up-1/f2a4484c78.gif






الشاعر القتيل هو طلال العبدالعزيز السعود الرشيد من عائلة الرشيد المعروفة في منطقة حائل شمال السعودية, اشتهر بلقبه "الملتاع". وكان يُعد من أبرز شعراء النبط (الشعر الشعبي) في جزيرة العرب, وله شهرة واسعة على امتداد المنطقة. وهو صاحب ومؤسس مجلة "فواصل", أول مجلات الأدب الشعبي في الخليج العربي وأكثرها انتشاراً.

والرشيد من مواليد العام 1962. حاصل على درجة البكالوريوس في العلوم الإدارية من جامعة الملك سعود, وهو متزوج ولديه ولدان نواف (16 عاماً) كان يرافق والده في رحلة الصيد, وعبدالعزيز (9 أعوام).

وفي الجزائر, أفيد أن الشاعر السعودي قُتل في منطقة جبل بوخليل في بلدية مسعد في ولاية الجلفة (300 كلم جنوب العاصمة).
رحم الله الفقيد وادخله فسيح جناته




ديوان الامير / طلال الرشيد يرحمه الله

الفكرة

جمع قصائد الامير يرحمه الله

واي واحده عندها قصيده للأمير طلال الرشيد تضيفها من خلال المشاركه

حتى تستمتع القارئه بما كتبه الامير يرحمه الله من قصائد

ارجوا من الجميع المشاركه

[asail]

قصيدة اللقب





يـا صغيّـر مـا يكبرنـا لقـب
وما يصغرنا إليا أنكرنا صغيـر
ما خذينا الصيت من جمع الذهب
ولا نسابة شيـخ او قربةوزيـر
كاسبينه من هل السيـف الحـدب
الجنايز كان مـا جـاك النذيـر
صيتهم نجم ٍ على رأسـه لهـب
سمعوا الصقهان به واجهر ضرير
بالوفا تاريـخ أبيـض ينتصـب
لا حكوا بالحق حييـن الضميـر
ضيغميـن للسناعيـس انتسـب
لابةٍ طلنـا بهـا عـرش كبيـر
عند حدك يا كثير الهـرج تـب
لا تمر النـار وثيابـك حريـر
كـان لـك عـز بذلـي فتعقـب
والله ألا تبطي وحبلـك قصيـر
احسبنك مـن صناديـد العـرب
واثر ساترتك عباتك يـا غريـر
ما حسب للسوس زراع القصـب
والقراده ما درى عنهـا البعيـر
ولو حسبنـا للحسايـف والتعـب
ما بذرنا يا العصافيـر الشعيـر
عن هللـك ابـراي لله واحتسـب
الرجال اللـي مجارهـم عسيـر
من قريش المصطفى وابو لهـب
والدغالب ما غشت عذب الغديـر
للرجال مـن الرجاجيـل العتـب
والزكاة تحل فـي حـال الفقيـر
لعنبـو وقـتٍ غدينابـه حطـب
تحرقـه نـار يثورهـا اجـيـر
ما ألومك والزمن سوى العجـب
هو بقى غير الكرامـه بالجفيـر
مـا أذل وراسـي يشـم المهـب
لو بقى من شمـر طفـلٍ غريـر
ما اهاب ولا يزلزلنـي غضـب
الشجاعـه ورث العاقـل غزيـر
يا صغيـر مـا يكبّـر باللقلـب
غير من هو كان من دونه صغير

[Quٍeٍen ُof ٍ®omَِâَِnc]

الله يرحمه ويعطيك العافيه

[–•¤ُMàîk ٌRٍٍُôOٍٍô7ٍy¤•–]

http://www.9m.com/upload/11-09-2007/0.59601189478661.gif

[asail]

الله يعافيك يا الغاليه ومشكوره على مرورك ومشاركتك الغاليه اختي theQueen

[asail]

الله يسلمك ويعطيك الف عافيه على مرورك ومشاركتك اختي –•¤ُMàîk ٌRٍٍُôOٍٍô7ٍy¤•–

[asail]

عـــلـــمـــتـــنــــي



علمـتـنـي وشـلــون احـــب
علـمـنـي كـيــف انــســى
يابحر ضايع فيه .. الشـط والمرسـى
علمـتـنـي وشـلــون احـــن
علـمـنـي كـيــف اقــســى
سير علي .. بس امسح دموعي وروح
سير علي .. جب لي معك قلب وروح
سير علـي .. اذا تذكـرت الجـروح
ياطـاغـي النـظـرة .. خـطــا
تـجــزى بهالـبـخـل الـعـطـا
وانا اللي اهديتك أمن.. عيـن وجفـن
هـــذي فـــراش وذا غـطــا
يـاجـرح مــن ويــن ابـتـدي
وانــت مـعـي مــن مـولـدي
وعيت يدي .. على وداعـك تهتـدي
بــس انــت علمـنـي الـجـفـا
دامني عجزت اعلمك .. كيـف الوفـا
علمتني كيف السهر .. ونسيتني الممسى
علمـتـنـي وشـلــون احـــب
علـمـنـي كـيــف انــســى

[زائر]

يعطيك العافيه

[Lozh]

وعليكم السلام ورحمة الله

يعطيك العآفيه أصايل

7
7
رسالة 0 0 إلى صديق الطفولة

صديق الطفولة وش جرى لك مع الأيام=هي أنصفت دنياك والا انت بك مثلي
فقدنا ملامحنا مثل ساير الأنام=عبث بنا جور الزمن والزمن يبلي
وقفنا جميع وبيننا حاجز الأعوام=صعيبٍ وصولي لك 0 0 ويا صعب لك وصلي
وأنا اشوف في وجهك طريق غشاه عتام=وذاك النخل واشوف دارك ودار أهلي
وسدره 0 0 هي أكرم من أهل بيتها اللوام=وفي وجهك أصحابي 0 0 عصى مدرسي 0 0 وفصلي
وعودٍ كبيرودايمٍ فالظلام ينام=في ذكرياتي له بعد ملمح وجلي
وسور كتبنا فيه ذكرى عبث وأوهام=ولي في عيونك صورة زانها جهلي
بثوب تبلل بالمطر والتراب وشام=وأنا حب أسير العب وهي حافيه رجلي
أنا وأنت طفل وطفل دايم رضى وخصام=بكانا سهل والضحكة أمرٍ بعد سهلي
دعاني بوجهك نادهٍ ينده الأحلام=معه رمح مدري هو علي غاضب 0 0 أو لجلي
أنا كيف أبا صل والأمل خلف مو قدام=كثير الأسى والسهد يا من فعل فعلي

[asail]

الله يعطيك العافيه اخوي زائر ومشكور على مرورك

[asail]

صح ذوقك وختيارك اختي لوزه ومشكوره على مشاركتك الرائعه وعلى مرورك المميز

[asail]

جــــــــــــتنــــي



جتني وشافتهـا عيـون حايـرات
ذا شعاع الشمـس او هـذا سناهـا
ضاعوا اللي جوا معاها مسيـرات
واقبلت تمشي تقـل محـدٍ معاهـا
ياسنـا الفضـه وياجيـد المهـات
ياشذى نبت الخزامى فـي وطاهـا
قلت كن بوجنتـك زهـر النبـات
قالت ان الرمش يجرح لي صفاهـا
تجرح الظلمـا عيـون ناعسـات
سلهمت وأغضت تغطرس في بهاها
حققوا بالشوف فـي لـون الشفـاة
هو خذا منها الشفـق والا عطاهـا
ولو ظلام الليـل يعطينـا ثبـات
فيه من لون الشعـر والا كساهـا
كيف أباصف زين كاملة الصفـات
كيف أباصل في حروفي منتهاهـا

[Lozh]

صح قلبك ممكن آشاارك والا لالا. ؟

[asail]

يافديتك شاركي الله لايحرمنا من مشاركتك كل مشاركاتك قمة الروعه وننتظر مشاركتك اختي لوزه

[asail]

آخـــر الحب




كنت احسب اني عرفت الحب قبل اعرفك
وعشقت قبل اعشقك واشتقت قبل التقيـك
وكنت احسب اني لقيت احباب قبل اوصلك
واثري توهمت في غيرك وانا كنت ابيك
تعال نعطـش وتشربنـي وانـا اشربـك
تعال قبل الوعد اجلـس معـي نحتريـك
تعال شفني وانـا استنـاك كـم اشبهـك
يطري علي الف راي و راي واحتار فيك
اجي مكان الوعـد والا اسبقـه انطـرك
والا آخذ الموعد اللي يحتريـك واجيـك
يا آخر الحب ذقـت الحـب فـي اولـك
ويا اول الشوق اقصى الشوق ما ينتهيـك
علمتني كيف اعرفك لين صرت اجهلـك
ضيعتني في متاهاتـك وكنـت ارتجيـك
حبيـب الاحـلام يابعـدك ويامقـربـك
حرام يكفـي تبعثرنـي وانـا احتويـك
ان شفتك بحلم صدقتـه وانـا اتوهمـك
وان شفتك بعلـم كذبتـه اليـن انتشيـك
اخاف اغمض عيوني وان رمشت افقـدك
واخاف افتح وتصبـح حلـم ولا التقيـك